શાહરૂખ ખાન માટે પઠાણ ફિલ્મ ખૂબ જ ખાસ રહેલ છે. આ ફિલ્મથી જ તેમણે હિન્દી ફિલ્મ ઈન્ડસ્ટ્રીમાં શાનદાર વાપસી કરી હતી. અભિનેતાને એક્શન અવતારમાં જોઈને તેના ચાહકોની ખુશી નો કોઈ પાર રહ્યો નહોતો. એવામાં પઠાણ બાદ ચાહકો લાંબા સમયથી તેની સિક્વલની આતુરતાથી રાહ જોઈ રહ્યા છે.
જ્યારે હવે શાહરૂખ ખાનની આ ચર્ચિત ફિલ્મને લઈને એક મોટા સમાચાર સામે આવ્યા છે. વાસ્તવમાં સાયરસ બરુચા સાથેના પોડકાસ્ટમાં પ્રખ્યાત પટકથા લેખક અબ્બાસ ટાયરવાલા દ્વારા ખુલાસો કરવામાં આવ્યો છે કે, આ ફિલ્મની સ્ક્રિપ્ટ લગભગ સમાપ્ત થઈ ગઈ છે અને હવે તેના સંવાદો પર કામ કરવાનું બાકી રહેલું છે.
તેની સાથે નિર્માતાઓ દ્વારા ફિલ્મની સિક્વલને હરી ઝંડી આપતા અબ્બાસ દ્વારા જણાવવામાં આવ્યું છે કે, Pathan 2 પર કામ કરવામાં આવી રહ્યું છે. તેમણે વધુમાં જણાવ્યું છે કે, “મને લાગે છે કે, સ્ક્રિપ્ટ સંવાદ માટે લગભગ તૈયાર રહેલ છે.” આ વાતચીતમાં તેમણે આશા વ્યક્ત કરતા જણાવ્યું હતું કે, તેમણે વધુ એક્શન ફિલ્મોની સ્ક્રિપ્ટ લખવાની ઓફર કરાશે.
શાહરૂખ ખાન આ ફિલ્મમાં RAW એજન્ટ પઠાણની ભૂમિકામાં ફરીથી જોવા મળવાનો છે. જ્યારે, દીપિકા પાદુકોણ રૂબીના તરીકે પરત ફરે તેવી અપેક્ષા રહેલી છે. તેમ છતાં ઘણા મીડિયા રિપોર્ટ્સમાં એ પણ વાત સામે આવી છે કે, ડિરેક્ટર સિદ્ધાર્થ આનંદ આ ફિલ્મની સિક્વલનું નિર્દેશન કરશે નહીં. વર્ષ 2023 ની શરૂઆતમાં પઠાણે બોક્સ ઓફિસના ઘણા રેકોર્ડ તોડી નાખ્યા અને શાહરૂખ ખાનની વાપસી શાનદાર રહી હતી. ત્યાર બાદ પઠાણ-2 ની અપેક્ષાઓ વધી ગઈ હતી. આ સિક્વલ YRF ના વિસ્તૃત સ્પાઈ યુનિવર્સનો ભાગ હશે.
વર્ક ફ્રન્ટની વાત કરીએ તો શાહરૂખ ખાન છેલ્લી વખત રાજકુમાર હિરાનીની ફિલ્મ ડંકીમાં જોવા મળ્યો હતો. આ ફિલ્મ બોક્સ ઓફિસ પર હિટ રહી હતી. તે ટૂંક જ સમયમાં કિંગ ફિલ્મમાં જોવા મળવાના છે. આ ફિલ્મમાં સુહાના ખાન અને અભિષેક બચ્ચન પણ રહેલા છે. તેનું નિર્દેશન સુજોય ઘોષ દ્વારા કરવામાં આવી રહ્યું છે.