ઓસ્ટ્રેલિયાની ટીમે માત્ર એક જ વખત T-20 વર્લ્ડ કપનું ટાઈટલ જીત્યું છે અને તે પણ વર્ષ 2021માં જીત્યું છે. ત્યારબાદ Matthew Wade દ્વારા ઓસ્ટ્રેલિયન ટીમને ટાઈટલ જીતાડવામાં મહત્વની ભૂમિકા ભજવવામાં આવી હતી. મેથ્યુ વેડે હવે તમામ ક્રિકેટ ચાહકોને આશ્ચર્યચકિત કરી દીધા છે અને નિવૃત્તિની જાહેરાત કરી દીધી છે. તેણે ઓસ્ટ્રેલિયા માટે ત્રણેય ફોર્મેટમાં ક્રિકેટ રમી અને ટીમ માટે ઘણી મેચો પોતાના દમ પર જીતાડી છે.
મેથ્યુ વેડે ઓસ્ટ્રેલિયા માટે વર્ષ 2011 માં ટી-૨૦ આંતરરાષ્ટ્રીયમાં ડેબ્યુ કર્યું હતું. ત્યારથી તેમણે ટીમ માટે 92 T20 મેચોમાં 1202 રન બનાવ્યા છે, જેમાં ત્રણ અડધી સદી સામેલ છે. મેથ્યુ વેડ ને T-20 વર્લ્ડ કપ 2021 ની સેમિફાઇનલમાં પાકિસ્તાન સામે રમાયેલી ઇનિંગ્સ માટે યાદ કરાય છે. ત્યાર બાદ તેણે ઓસ્ટ્રેલિયાને હારેલી મેચ જીતાડી હતી. મેથ્યુ વેડે મેચની 19 મી ઓવરમાં શાહીન આફ્રિદીની બોલ પર સતત ત્રણ સિક્સર ફટકારીને મેચ ઓસ્ટ્રેલિયા તરફ કરી દીધી હતી. ત્યાર બાદ તેણે માત્ર 17 બોલમાં 41 રન બનાવ્યા જેમાં 2 ફોર અને 4 સિક્સરનો સમાવેશ થાય છે.
મેથ્યુ વેડ ભલે નિવૃત્તિની જાહેરાત કરી હોય, પરંતુ તે તાસ્માનિયા અને હોબાર્ટ હરિકેન્સ તેમજ કેટલીક વિદેશી લીગ માટે વ્હાઇટ-બોલ ક્રિકેટ રમવાનું ચાલુ રાખવાના છે. તેના સિવાય નિવૃત્તિ બાદ તેને કોચિંગ માં કારકિર્દી બનાવવા માટેનું નક્કી કર્યું છે. તેને પાકિસ્તાન સામેની T-20 સીરીઝ માટે વિકેટકીપિંગ અને ફિલ્ડિંગ કોચ બનાવવામાં આવ્યા છે.
મેથ્યુ વેડ દ્વારા જણાવવામાં આવ્યું છે કે, હું છેલ્લાં કેટલાંક વર્ષોથી સતત સારું રમી રહ્યો હતો અને પછી મારે સાતમા નંબરે બેટિંગ કરવી પડી હતી અને તે ઈચ્છે છે કે, હું ફિનિશિંગ રોલમાં તે જ સ્થાનને જાળવી રાખું. ટી-20 વર્લ્ડ કપમાં ભારત સામે મળેલી હાર બાદ હું સમજી ગયો કે મારી કારકિર્દી સમાપ્ત થઈ ગઈ છે.
તેની સાથે હવે તેમના દ્વારા 13 વર્ષની લાંબી કારકિર્દી પર અંત લાવી દેવામાં આવ્યો છે. તેમણે ઓસ્ટ્રેલિયા માટે 36 ટેસ્ટ મેચમાં 1613 રન બનાવ્યા, જેમાં તેમના નામે 4 સદી રહેલી છે. આ સિવાય મેથ્યુ વેડ દ્વારા 92 ODI મેચોમાં કુલ 1867 રન બનાવવામાં આવ્યા છે. ખરાબ ફોર્મના લીધે તે ટીમની અંદર અને બહાર થતા રહેતા હતા. તેમણે તેની છેલ્લી ટેસ્ટ અને વનડે મેચ વર્ષ 2021 માં જ રમી હતી.