Baba Siddique હત્યા કેસને લઈને સતત પોલીસ દ્વારા તપાસ હાથ ધરવામાં આવી રહી છે. એવામાં આ કેસને લઈને મોટા સમાચાર સામે આવ્યા છે. પોલીસ દ્વારા વધુ એક શૂટરની ધરપકડ કરવામાં આવી છે. શૂટર શિવકુમારની રવિવારના રોજ STF ઉત્તર પ્રદેશ અને મુંબઈ ક્રાઈમ બ્રાન્ચની સંયુક્ત કાર્યવાહીમાં નાનપારા બહરાઈચ જિલ્લામાંથી ધરપકડ કરાઈ છે.
જાણકારી મુજબ, આરોપી શિવકુમાર નેપાળ ભાગી જવાની યોજના ઘડી રહ્યો હતો, પરંતુ તે પહેલા જ તેની ધરપકડ કરી લેવામાં આવી હતી. STF ટીમનું નેતૃત્વ પરમેશ કુમાર શુક્લાના હેડક્વાર્ટર સ્થિત ટીમના સબ ઈન્સ્પેક્ટર જાવેદ આલમ સિદ્દીકી દ્વારા કરવામાં આવ્યું હતું. આ સિવાય અનુરાગ કશ્યપ, જ્ઞાનપ્રકાશ ત્રિપાઠી, આકાશ શ્રીવાસ્તવ અને અખિલેશેન્દ્ર પ્રતાપ સિંહની પણ શિવકુમારને છુપાવી રાખવા અને નેપાળ ભાગી જવામાં મદદ કરવાના ગુના હેઠળ ધરપકડ કરાઈ છે.
તમને જાણવી દઈએ કે, Baba Siddique હત્યા કેસમાં ધરપકડ કરવામાં આવેલ મુખ્ય શૂટર શિવકુમારની યુપી પોલીસની પૂછપરછ દરમિયાન મોટી જાણકારી આપવામાં આવી છે. શિવ કુમારની પૂછપરછ દરમિયાન તેના દ્વારા જણાવવામાં આવ્યું હતું કે, તે લોરેન્સ બિશ્નોઈ ગેંગ સાથે સંબંધ ધરાવે છે. શિવ કુમાર દ્વારા પૂછપરછ જણાવવામાં આવ્યું છે કે, વિદેશમાં રહેનાર લોરેન્સ બિશ્નોઈના ભાઈ અનમોલ બિશ્નોઈની સૂચનાના આધારે આ હત્યા કરી હતી. શુભમ લોંકર દ્વારા તેને અનમોલ બિશ્નોઈ સાથે ઘણી વખત વાત કરવા માટે પણ જણાવ્યું હતું.
તેની સાથે વધુમાં જણાવી દઈએ કે, સિદ્દીકી હત્યા કેસ વચ્ચે આરોપી શિવકુમાર ઉર્ફે શિવા ગૌતમ (20) ની ઇન્સ્ટાગ્રામ પ્રોફાઇલ સોશિયલ મીડિયા પર ખુબ વાયરલ થતી રહેતી હતી. આ રિલ્સમાં તે માફિયા સ્ટાઈલની REEL બનાવીને પોતાનો દબદબો દેખાડતો રહેતો હતો.
જ્યારે શનિવારના ધરપકડ પહેલા પોલીસ દ્વારા વધુ બે શંકાસ્પદ શૂટર્સ સહિત 11 લોકોની ધરપકડ કરવામાં આવી હતી. તેમ છતાં મુખ્ય શૂટર અને બે કાવતરાખોરો હજુ પણ ફરાર રહેલા હતા. તપાસ ટીમ તમામ સંભવિત એંગલથી કેસની તપાસ કરવામાં આવી રહી છે.