સલમાન ખાનનો ફેમસ કોન્ટ્રોવર્શિયલ રિયાલિટી શો ‘Bigg Boss 18’ ટૂંક જ સમયમાં ટીવી પર આવવાનો છે. આ શોનું ભવ્ય પ્રીમિયર 6 ઓક્ટોબરના રોજ થવાનું છે. આ સીઝન ‘બિગ બોસ 18’ ખૂબ જ ખાસ બનવાની છે અને તેથી જ ચાહકો આ શોને લઈને ખૂબ જ ઉત્સાહિત રહેલા છે. શોને લઈને સતત નવી જાણકારી ઓ સામે આવી રહી છે. જો રિપોર્ટ્સનું માનીએ તો આ શો માટે શિલ્પા શિરોડકર, પદ્મિની કોલ્હાપુરે, શોએબ ઇબ્રાહિમ સહિત ઘણા સેલેબ્સ નો સંપર્ક કર્યો છે. હવે ‘બિગ બોસ 18’ ના પહેલા કન્ફર્મ કન્ટેસ્ટન્ટ નું નામ સામે આવી ગયું છે. વાસ્તવમાં અભિનેત્રી નિયા શર્મા સલમાન ખાનના શોની પ્રથમ કન્ફર્મ કન્ટેસ્ટન્ટ બની ગયેલ છે. આ વાતની પુષ્ટિ Rohit Shetty દ્વારા કરવામાં આવી છે.
‘ખતરો કે ખિલાડી 14’ ના ગ્રાન્ડ ફિનાલેમાં રોહિત શેટ્ટીએ કર્યો ખુલાસો
ફેમસ ડિરેક્ટર રોહિત શેટ્ટીએ ‘ખતરો કે ખિલાડી 14’ ના ગ્રાન્ડ ફિનાલેમાં ખુલાસો કરતા જણાવ્યું છે કે, નિયા શર્મા સલમાન ખાનના શોમાં જોવા મળવાની છે. રોહિત શેટ્ટીની આ જાહેરાત બાદ ચાહકોની આતુરતા શોને લઈને વધી ગઈ છે. તમને જણાવી દઈએ કે, બિગ બોસના મેકર્સ દ્વારા આ પહેલા પણ ઘણી વખત નિયાનો સંપર્ક કરવામાં આવ્યો છે. પરંતુ અંતે અભિનેત્રી આ શોમાં આવવા માટે રાજી થઈ ગઈ છે. વર્ક ફ્રન્ટની વાત કરીએ તો નિયા શર્મા છેલ્લા થોડા સમય પહેલા શો ‘સુહાગન ચૂદૈલ’ માં જોવા મળી હતી. ત્યાર બાદ તે ‘લાફ્ટર શેફ્સ’ શો નો ભાગ બની ગઈ છે.
આ સ્પર્ધકો જોવા મળી શકે છે ‘બિગ બોસ 18’ માં
તમને જણાવી દઈએ , સલમાન ખાનના શો ‘Bigg Boss 18’ માટે ઘણા મોટા સ્ટાર્સનો સંપર્ક કરાયો છે. જેમાં કરણવીર મહેરા, શોએબ ઈબ્રાહિમ, ઋત્વિક ધનજાની, ધીરજ ધૂપર, શિલ્પા શિરોડકર, કરમ રામપાલ, નાયરા બેનર્જી, અવિનાશ મિશ્રા અને દેવ ચંદ્રિમા સિંહ રોય જેવા સેલેબ્સ સામેલ છે. બિગ બોસની આ સીઝન ઘણી રસપ્રદ રહેવાની છે કારણ કે આ સીઝનમાં સમયની રેસ જોવા મળવાની છે. આ વખતે શોમાં સિનિયર સ્પર્ધકોની પણ એન્ટ્રી થવાની છે. જો રિપોર્ટ્સનું માનીએ તો ‘બિગ બોસ 18’ માં અબ્દુ રોજિક, મુનાવર ફારૂકી અને શિલ્પા શિંદે સહિત ઘણા જૂના સ્પર્ધકો જોવા મળવાના છે.