સરકારી ટેલિકોમ કંપની BSNL દ્વારા ગ્રાહકોને પોતાની આકર્ષવા માટે સતત નવી સેવાઓ અને ઓફરો લાવવામાં આવી રહી છે. તાજેતરમાં BSNL દ્વારા તેના યુઝર્સ માટે ડાયરેક્ટ ટુ હોમ સેવા શરૂ કરવામાં આવી હતી. આ સિવાય BSNL દ્વારા 4G નેટવર્ક પર પણ સતત કામ કરવામાં આવી રહ્યું છે. તેવી જ રીતે, કંપની દ્વારા ગ્રાહકોની સુવિધા માટે તેના પોર્ટફોલિયોમાં સસ્તા પ્લાન નો પણ ઉમેરો કરવામાં આવી રહ્યો છે. એવામાં જો તમે BSNL સિમ નો ઉપયોગ કરી રહ્યા છો તો અમે તમને શાનદાર પ્લાન વિશે જણાવીશું.
દેશભરમાં લગભગ નવ કરોડ લોકો દ્વારા BSNL ની સેવાઓનો ઉપયોગ કરવામાં આવી રહ્યો છે. જ્યારથી જિયો અને એરટેલ ના પ્લાન મોંઘા થયા છે ત્યારથી સરકારી કંપની ના ગ્રાહકોની સંખ્યામાં પણ ઝડપથી વધારો જોવા મળી રહ્યો છે. ગ્રાહકો માટે કંપની દ્વારા યાદીમાં શોર્ટ ટર્મથી લઈને લોન્ગ ટર્મ વાળા ઘણા પ્લાન ઉમેરવામાં આવ્યા છે. એવામાં BSNL એકમાત્ર ટેલિકોમ કંપની છે જેની પાસે ઘણા વેલિડિટી વિકલ્પો રહેલા છે.
જો તમને ઓછી કિંમતમાં લાંબી વેલિડિટી જોઈએ છે તો BSNL પાસે ઘણા વિકલ્પો રહેલા છે. તેમ છતાં આજે અમે તમને એક એવા પ્લાન વિશે જણાવવા જઈ રહ્યા છીએ જેમાં તમને ઓછી કિંમતમાં લગભગ પાંચ મહિનાની સુધીની લાંબી વેલિડિટી મળી જશે. આ પ્લાન સાથે તમને એક સાથે ઘણા દિવસો સુધી રિચાર્જ થી મુક્તિ મળી જશે.
અમે BSNL ના 997 રૂપિયાના પ્લાન ની વાત કરી રહ્યા છીએ. તેમના કંપની દ્વારા એક શ્રેષ્ઠ ઓફર આપવામાં આવી રહી છે. આ પ્લાનમાં તમને કુલ 160 દિવસની વેલિડિટી મળી રહી છે. સંપૂર્ણ માન્યતા દરમિયાન, તમે કોઈપણ નેટવર્કમાં અનલિમિટેડ ફ્રી માં કોલિંગ કરી શકશો. તેની સાથે જ તમને રિચાર્જ પેકમાં દરરોજ 100 ફ્રી SMS પણ મળી રહ્યા છે.
BSNL ના 997 રૂપિયાના પ્લાનમાં તમને દરરોજ 2GB ડેટા મળી રહ્યો છે. તેનો અર્થ એ છે કે, તમને આ પ્લાનમાં કુલ 320GB ડેટા મળી રહ્યો છે. આવી રીતે BSNL નો આ રિચાર્જ પ્લાન તે યુઝર્સ માટે પણ શ્રેષ્ઠ વિકલ્પ છે જે વધુ ઇન્ટરનેટ ઈચ્છી રહ્યા છે. રિચાર્જ પ્લાન માં કેટલાક વધારાના લાભો પણ ઉપલબ્ધ રહેલા છે. કંપની તેના યુઝર્સને Hardy Games, Challenger Arena Games, Gameon & Astrotel, Games, Zing Music, WOW Entertainment અને BSNL Tunes ની સેવા ફ્રીમાં પ્રાપ્ત થઈ રહી છે.