ભારતીય પુરૂષ ક્રિકેટ ટીમ હાલમાં ઓસ્ટ્રેલિયા પ્રવાસ પર રહેલી છે, જ્યાં તેને બોર્ડર-ગાવસ્કર ટ્રોફીની પાંચ ટેસ્ટ મેચની સીરીઝ રમવાની છે. બીજી તરફ ભારતીય મહિલા ક્રિકેટ ટીમ પણ ડિસેમ્બરમાં ઓસ્ટ્રેલિયા જશે અને ત્રણ મેચની વનડે સીરીઝ રમવા જશે, જેના માટે ટીમની જાહેરાત BCCI દ્વારા કરી દેવામાં આવી છે. ટીમની કમાન હરમનપ્રીત કૌરના હાથમાં રહેલા છે. હવે BCCI દ્વારા એક મોટો નિર્ણય લેતા મેઘાલય ક્રિકેટ એસોસિએશનના પ્રમુખ નબા ભટ્ટાચારીને ઓસ્ટ્રેલિયા પ્રવાસ માટે ભારતીય મહિલા ક્રિકેટ ટીમના મેનેજર તરીકે નિમણુક કરવામાં આવ્યા છે.
તેની સાથે નબા ભટ્ટાચારી દ્વારા પીટીઆઈને જણાવવામાં આવ્યું છે કે, ટૂર કમિટી દ્વારા મને અને તમામ સંબંધિતોને મેનેજર તરીકે મારી પસંદગી વિશે જાણ કરવામાં આવી છે. આ એક સમ્માનની વાત રહેલી છે અને હું આ પદ માટે ઉત્સાહિત રહેલો છું. હું રાજ્યના આદિવાસી સમુદાયના યુવાનોમાં રમતગમતને વધુ પ્રોત્સાહન આપવાનો પ્રયત્ન કરીશ. આ પોસ્ટ માટે હું જય શાહ નો આભારી રહેલો છું. BCCI ના ન્યૂ એરિયા ડેવલપમેન્ટ પ્રોગ્રામ માં કામ કર્યા બાદ ભટ્ટાચારજી દ્વારા છેલ્લા 15 વર્ષથી મેઘાલયમાં ક્રિકેટના વિકાસમાં મહત્વની ભૂમિકા ભજવવામાં આવી છે. તેમણે 2018 માં બોર્ડ માં કાયમી સભ્ય પદ હાંસલ કરવામાં આવ્યું હતું અને ભૂતકાળમાં BCCI ની ઘણી સ્થાનિક અને આંતરરાષ્ટ્રીય ટુર્નામેન્ટમાં પણ ભાગ રહી ચુક્યા છે.
યુવા ઓપનર શેફાલી વર્માને વનડે સીરીઝ માટે જગ્યા મળી નથી. ઓસ્ટ્રેલિયા સામે ટીમની બેટિંગની જવાબદારી હરમનપ્રીત કૌર, સ્મૃતિ મંધાના, જેમિમાહ રોડ્રિગ્ઝ અને રિચા ઘોષ પર રહેલી હશે. જ્યારે બોલિંગ આક્રમણમાં રેણુકા સિંહ, દીપ્તિ શર્મા અને અરુંધતિ રેડ્ડીને તક મળી છે. ભારતીય મહિલા ટીમ અને ઓસ્ટ્રેલિયાની મહિલા ટીમ વચ્ચે પ્રથમ અને બીજી વનડે બ્રિસ્બેન ના મેદાન પર રમાવવાની છે. ત્રીજી અને છેલ્લી વનડે મેચ 11 ડિસેમ્બરના રોજ પર્થમાં રમાશે. ત્રણેય વનડે મેચ ભારતીય સમય અનુસાર સવારના 9.50 વાગ્યે શરૂ થવાની છે.
ભારત વિ. ઓસ્ટ્રેલિયા વનડે સિરીઝ નું સંપૂર્ણ શેડ્યૂલ
પ્રથમ વનડે : 5 ડિસેમ્બર, બ્રિસ્બેન
બીજી વનડે : 8 ડિસેમ્બર, બ્રિસ્બેન
ત્રીજી વનડે : 11 ડિસેમ્બર, પર્થ
ત્રણ મેચની વનડે સીરીઝ માટે ભારતીય ટીમ : હરમનપ્રીત કૌર (કેપ્ટન), સ્મૃતિ મંધાના (વાઈસ કેપ્ટન), પ્રિયા પુનિયા, જેમિમાહ રોડ્રિગ્સ, તેજલ હસબનીસ, દીપ્તિ શર્મા, મિન્નુ મણિ, પ્રિયા મિશ્રા, રાધા યાદવ, તિતાસ સાધુ, અરુંધતિ રેડ્ડી, રેણુકા સિંહ ઠાકુર, સાયમા ઠાકુર, હર્લીન દેઓલ, યસ્તિકા ભાટિયા (વિકેટ કીપર), રિચા ઘોષ (વિકેટ કીપર).