લોકપ્રિય નિર્દેશક નિતેશ તિવારી ની ફિલ્મ ‘રામાયણ’ ની જાહેરાત કરવામાં આવી છે, ત્યારથી લોકો તેને લઈને ખૂબ જ ઉત્સાહિત જોવા મળી રહ્યા છે. એવામાં આ ફિલ્મનું શૂટિંગ પણ શરૂ થઈ ગયું છે અને આ ફિલ્મ સતત ચર્ચામાં રહેલ છે. ફિલ્મ ‘રામાયણ’ માં અભિનેતા રણબીર કપૂર ભગવાન શ્રી રામની ભૂમિકા ભજવશે અને દક્ષિણની પીઢ અભિનેત્રી સાઈ પલ્લવી માતા સીતાની ભૂમિકા ભજવવાની છે. આ ફિલ્મ વિશે એવી અટકળો ચાલી રહી હતી કે, KGF Star Yash ‘રામાયણ’ માં ‘રાવણ’ ની ભૂમિકા ભજવતા જોવા મળશે. એવામાં અભિનેતા દ્વારા આ સમાચાર ને સાચા ઠેરવવામાં આવ્યા છે. આ સમાચાર સામે આવ્યા બાદ ચાહકો ખૂબ જ ઉત્સાહિત થઈ ગયા છે.
‘રામાયણ’ માં જોવા મળશે યશ
KGF Star Yash દ્વારા તાજેતરમાં આપેલ એક ઇન્ટરવ્યૂમાં જણાવ્યું હતું કે, તે નિતેશ તિવારી ની ‘રામાયણ’ માં ‘રાવણ’ ની ભૂમિકા ભજવવાના છે. અભિનેતા આ ફિલ્મને લઈને ખૂબ જ ઉત્સાહિત રહેલા છે. ડી એન ઈડી અને પ્રાઈમ ફોકસ ના નમિત મલ્હોત્રાને આપેલા ઇન્ટરવ્યૂમાં તેમણે પ્રથમ વખત ફિલ્મ અંગે નિવેદન આપવામાં આવ્યું છે. જ્યારે અભિનેતાને ‘રાવણ’ નું પાત્ર ભજવવા વિશે પૂછવામાં આવ્યું ત્યારે તેમણે જણાવ્યું કે, ‘તે ખૂબ જ શક્તિશાળી પાત્ર છે અને આ પાત્ર ભજવવું મારા માટે મોટી વાત રહેલી છે.’
‘રાવણ’ નું પાત્ર છે આકર્ષક
યશ દ્વારા ઈન્ટરવ્યુ દરમિયાન રાવણના પાત્ર વિશે પણ વાત કરવામાં આવી હતી. તેમના દ્વારા જણાવવામાં આવ્યું છે કે, રામાયણનું આ પાત્ર ખૂબ જ આકર્ષક રહેલ છે. તેમણે વધુમાં જણાવ્યું છે કે, ‘રાવણનું પાત્ર ભજવવું મારા માટે બિલકુલ સરળ નહોતું, ઘણું મુશ્કેલ રહ્યું હતું. આ રોલ ભજવવો મારા માટે જેટલો પડકારજનક છે તેટલો જ હું તેને કરવા માટે ઉત્સાહિત રહેલ છું. મને આશા છે કે, ચાહકોને તે ગમશે. તમને જણાવી દઈએ કે, ફિલ્મ ‘રામાયણ’ માં રણબીર કપૂર રામની ભૂમિકા ભજવશે અને સાઈ પલ્લવી માતા સીતાની ભૂમિકા ભજવવાની છે. ફિલ્મમાં અભિનેતા સની દેઓલ હનુમાનની ભૂમિકામાં જોવા મળવાના છે. જ્યારે અભિનેત્રી રકુલ પ્રીત સિંહ ‘સુપર્ણખા’ ની ભૂમિકામાં જોવા મળવાની છે. કેટલાક મીડિયા પોર્ટલ મુજબ, અભિનેત્રી લારા દત્તા ફિલ્મમાં કૈકેયીની ભૂમિકા ભજવવાની છે અને અભિનેતા રવિ દુબે ‘લક્ષ્મણ’ ની ભૂમિકા ભજવવાના છે. આ ફિલ્મ આવતા વર્ષે એટલે કે 2025 માં બોક્સ ઓફિસ પર રીલીઝ થવાની છે.