Akshay Kumar એ તેના જન્મદિવસ પર હોરર-કોમેડી ‘ભૂત બંગલા’ ની જાહેરાત કરીને પોતાના ચાહકોને ખુશ કરી દીધા છે. અભિનેતા દ્વારા એક મોશન પોસ્ટર પણ શેર કરવામાં આવ્યું જેને દર્શકો તરફથી સકારાત્મક પ્રતિક્રિયા આપવામાં આવી રહી છે. જ્યારે હવે ફિલ્મ સાથે જોડાયેલી નવી જાણકારી સામે આવી છે. રિપોર્ટમાં દાવો કરવામાં આવ્યો છે કે, અભિનેત્રી વામિકા ગબ્બી ફિલ્મની ટીમમાં સામેલ થઈ છે.
ફિલ્મની હિરોઈન ની સાથે તેના શૂટિંગને લઈને પણ રસપ્રદ જાણકારી સામે આવી છે. ફિલ્મનું શૂટિંગ આવતા વર્ષે શરૂ થવાનું છે. એક રિપોર્ટમાં દાવો કરવામાં આવેલ છે કે, વામિકાએ ડિજિટલ દુનિયામાં પોતાના કામથી દરેકને પ્રભાવિત કર્યા છે અને હવે તે બેબી જોન અને ભૂત બાંગ્લા જેવી ફિલ્મોની સાથે થિયેટરમાં ધમાલ મચાવવા તૈયાર છે. તેમણે ડોટેડ લાઇન્સ પર હસ્તાક્ષર કરી લીધા છે અને ભૂત બંગલામાં તેની ભૂમિકા શાનદાર રહેલી છે, જે સિનેમાના દર્શકોમાં હાસ્યનું વાતાવરણ ઉભું કરશે.
તેની સાથે દાવો કરવામાં આવ્યો છે કે, અક્ષય અને વામિકા ‘ભૂત બંગલા’ માં અનોખા રોલમાં જોવા મળશે અને આ અંગેની વિગતવાર જાણકારી ગુપ્ત રાખવામાં આવી છે. અહેવાલ મુજબ, વામિકા સિવાય ફિલ્મમાં વધુ બે મહિલા કલાકારો રહેવાની છે. આ હોરર તત્વોથી ભરપુર એક કોમિક કેપર ફ્ચે જેમાં એક જ ઘરમાં ત્રણ છોકરીઓ છે. તેની સાથે જ પરેશ રાવલ, રાજપાલ યાદવ અને અસરાની જેવા કલાકારોનું એક ગ્રુપ પણ રહેલ છે. ભૂત બંગલા માટે હાલમાં વધુ કાસ્ટિંગ ચાલી રહ્યું છે.
9 સપ્ટેમ્બરના રોજ અક્ષય કુમાર દ્વારા મોશન પોસ્ટર શેર કરતા લખવામાં આવ્યું છે કે, “દર વર્ષે મારા જન્મદિવસ પર તમારા પ્રેમ માટે આભાર. આ વર્ષનો જશ્ન ‘ભૂત બંગલા’ ના ફર્સ્ટ લુક સાથે ઉજવણી કરી રહ્યો છું. હું 14 વર્ષ પછી પ્રિયદર્શન સાથે ફરી કામ કરવા માટે ઉત્સાહિત રહેલ છું. આ ડ્રીમ સહયોગ લાંબા સમયથી આવી રહ્યો હતો. આ અવિશ્વસનીય સફરને તમારા બધા સાથે શેર કરવા માટે રાહ જોઈ શકતો નથી. જાદુ માટે બન્યા રહો.” લુકમાં અક્ષય કુમાર દૂધ પીતો જોવા મળ્યો હતો, જ્યારે તેના ખભા પર કાળી બિલાડી બેઠેલી હતી.
ફિલ્મ શૂટિંગ
આ હોરર-કોમેડી ફિલ્મ વિશે હજુ વધુ જાણકારી રહેલ નથી, પરંતુ આશા છે કે, તેમાં કાળો જાદુ હોવાની અપેક્ષા રહેલી છે જેમાં અક્ષય ત્રણ અભિનેત્રીઓ સાથે કામ કરશે. ફિલ્મનું મોટાભાગનું શૂટિંગ હૈદરાબાદ, કેરળના એક જંગલ, શ્રીલંકામાં શૂટ કરવામાં આવશે. એવી પણ ચર્ચા છે કે, ફિલ્મમાં કિયારા અડવાણી, કીર્તિ સુરેશ અને આલિયા ભટ્ટ પણ હોઈ શકે છે.