પઠાણ, જવાન અને ડંકી થી વર્ષમાં 2023 માં ધૂમ મચાવનાર Shahrukh Khan ની એક પણ ફિલ્મ આ વર્ષે સ્ક્રીન પર આવેલ નથી. આ દિવસોમાં તે પોતાની મેગા એક્શન ફિલ્મ કિંગ ની તૈયારીમાં વ્યસ્ત રહેલા છે. આ દરમિયાન તેની બીજી ફિલ્મ વિશે મોટી જાણકારી સામે આવી છે. જાણકારી મુજબ શાહરૂખ ખાન કિંગ અને પઠાણ 2 જેવી એક્શન ફિલ્મોની મનોરંજક ફિલ્મમાં કામ કરવાનું વિચારી રહ્યા છે. એવું કહેવામાં આવી રહ્યું છે કે, કિંગ ખાન હાલમાં તેની આગામી ફિલ્મ માટે વાતચીતને અંતિમ સ્વરૂપ આપી રહ્યા છે.
પિંક વિલાના અહેવાલ અનુસાર, અભિનેતા એક એડવેન્ચર ફિલ્મ માટે અમર કૌશિક અને મેડૉક ફિલ્મ્સના દિનેશ વિજાન સાથે વાતચીત કરી રહ્યા છે. તેમ છતાં હજુ સુધી આ વાતની સત્તાવાર પુષ્ટિ થઈ નથી. રિપોર્ટમાં સામે આવ્યું છે કે, બંને પક્ષો વચ્ચે ચર્ચા ના ત્રણ રાઉન્ડ થઈ ગયા છે.
રિપોર્ટમાં કિંગ ખાનના નજીકના એક સૂત્રોના હવાલાથી સામે આવ્યું છે કે, “શાહરુખ ખાને છેલ્લા થોડા મહિનામાં લગભગ દરેક ફિલ્મમેકરની વાતચીત કરી છે. તેમની પાસે તેના માટે જે પણ આઈડિયા આવ્યા તે સાંભળ્યા, પરંતુ કોઈ પણ તેમને પ્રભાવિત કરી શક્યા નથી. રિપોર્ટ મુજબ એવું માનવામાં આવી રહ્યું છે કે, અમર કૌશિક અને દિનેશ વિજનની સ્ત્રી-2 ટીમ ની સાથે વાતચીત કરી રહ્યા છે. રિપોર્ટ મુજબ, એવું માનવામાં આવી રહ્યું છે કે, અમર અને દિનેશ સ્ત્રીની જેમ એક એડવેન્ચર પર આધારિત સફળ ફ્રેન્ચાઇઝી બનાવવાનો પ્રયાસ કરી રહ્યા છે. તેમ છતાં શાહરુખે હજુ સુધી કોઈ નિર્ણય લીધો નથી, પરંતુ તેની અને ફિલ્મની ટીમ વચ્ચે વધુ બેઠકો ની અપેક્ષા રહેલી છે. આ ફિલ્મ સ્ત્રી યુનિવર્સનો ભાગ નહીં હોય.
રિપોર્ટ્સમાં એ પણ જાણકારી સામે આવી છે કે, શાહરુખ રાજ અને ડીકે સાથે કોમિક-એક્શન થ્રિલર વિશે અલગ-અલગ ચર્ચા કરી રહ્યા છે. કથિત રીતે હવે તેની પાસે ફિલ્મ માટે બે વિકલ્પો રહેલા છે જે તે કિંગને સમાપ્ત કર્યા પછી અને પઠાણ 2 શરૂ કરતા પહેલા કરવા ઈચ્છે છે. ફિલ્મ કિંગ ની વાત કરીએ તો તેમાં શાહરૂખ ખાનની સાથે સુહાના ખાન અને અભિષેક બચ્ચન પણ રહેલા છે. આ ફિલ્મનું શૂટિંગ આવતા વર્ષે જાન્યુઆરીમાં શરૂ થશે. તે આવતા વર્ષના અંત સુધીમાં અથવા 2026 ની શરૂઆતમાં પઠાણ 2 શરૂ કરી શકે છે.